O texto de Santiago Cortegoso, que foi finalista á Mellor Autoría Teatral nos XX Premios Max e resultou gañador do Premio Álvaro Cunqueiro en 2014, pode atoparse agora en edición bilingüe castelán-galego. O selo Teatro Autor da Fundación SGAE edita a obra que distribúe UDL Libros.
O vindeiro venres 8 de xuño abre o prazo de inscrición para o Obradoiro de Creación Escénica que impartiremos na Mostra de Teatro Cómico e Festivo de Cangas, e no que trataremos de reproducir a pequena escala o método de creación co que traballamos.
Do 2 ao 6 de xullo | Mércores, 30 Mai 2018 13:41
Dentro do programa da Mostra de Teatro Cómico e Festivo de Cangas Marián Bañobre e Santiago Cortegoso imparten un Obradoiro de Creación Escénica. Terá lugar do luns 2 ao venres 6 de xullo en horario de 10 a 14 horas nas Naves de Ojea.
A cita será o 14 de xuño no Salón Teatro
Ibuprofeno Teatro participa no Galicia Escena Pro, mercado galego das artes escénicas que cada ano organiza a AGADIC en Santiago de Compostela, con 'Casa O'Rei'. Nesta sexta edición poderán verse un total de 17 espectáculos galegos e 10 proxectos en formato pitching.
Xa temos preparado o merchandising de 'Casa O'Rei', montaxe que estrearemos o vindeiro venres 2 de marzo no Auditorio Municipal de Vigo: Camisetas, bolsas, delantais e chapas. Por suposto tamén teremos dispoñible o texto da obra editado por Rinoceronte.
Poderase adquirir en todas as funcións da xira, que podedes ver aquí, ou poñéndose en contacto con nós a través do enderezo electrónico: Este enderezo de correo está a ser protexido dos robots de correo lixo. Precisa activar o JavaScript para velo. ou do noso facebook @IbuprofenoTeatro
O vindeiro 2 de marzo estreamos no Auditorio Municipal de Vigo 'Casa O'Rei'. A montaxe permanecerá na cidade olívica un día máis antes de visitar outras dez localidades na súa xira de presentación que remata o 26 de maio no Auditorio Municipal de Vilagarcía. Namentres tamén se poderá ver no Milladoiro, Ourense, Carballo, Santiago, Oleiros, Cangas, Pontevedra, Arteixo e Noia.
e feliz 2018 | Xoves, 21 Decembro 2017 00:00
Dende Ibuprofeno Teatro queremos desexarche boas festas e o mellor para o 2018
O pasado sábado 2 de decembro tivo lugar a primeira lectura do noso próximo espectáculo, 'Casa O'Rei' cos actores da montaxe. Un encontro para crear equipo e iniciar este proceso de traballo que culminará o 2 de marzo coa estrea en Vigo do espectáculo.
'Casa O'Rei' é un xogo escénico a partir de 'O Rei Lear' de Shakespeare interpretado por Miguel Borines, Victoria Teijeiro, Marián Bañobre, Teté García, Victor Mosqueira e Xosé Manuel Esperante baixo a dirección de Santiago Cortegoso. Con este espectáculo pechamos a nosa triloxía gastronómica -despois de 'O Furancho' e 'Raclette'-, e que mellor xeito de meternos en situación que facer a lectura nunha casa de xantar e comentar despois as nosas impresións e inquedanzas acompañados dun suculento cocido.
XI Premio Diario Cultural de Teatro Radiofónico
Nesta edición Santiago Cortegoso será o encargado de dirixir a gravación das obras finalistas do concurso de Teatro Radiofónico do Diario Cultural. Santiago Cortegoso xunto a Marián Bañobre foi finalista deste premio en tres ocasións, acadando o recoñecemento do público pola súa peza "Intercom Baby" no ano 2012.
Xira de Setembro a Decembro 2017
O noso espectáculo RACLETTE é un dos selecionados para participar no "Circuito de la Red de Teatros Alternativos".
Realizaremos 15 funcións en 5 comunidades autónomas diferentes á nosa nos próximos catro meses.
Unha xira subvencionada polo INAEM e impulsada pola "Red de Teatros Alternativos" que pretende dar proxección a espectáculos contemporáneos de interese e favorecer a súa mobilidade por todo o estado.
Novo espectáculo de Ibuprofeno no Pitching | Xoves, 15 Xuño 2017 00:00
O vindeiro xoves 15 de xuño, no marco da Feira de Teatro, Galicia Escena Pro, os membros de Ibuprofeno faremos a presentación oficial do que será a nosa nova produción: "Casa O'Rei. Traxicomedia Gastronómica".
Casa O'Rei vaise estrear en marzo de 2018.
Podedes ver a ficha de presentación do espectáculo seguindo este link da nosa web:
http://www.ibuprofenoteatro.com/index.php/gl/producions/producions-en-cartel/item/casa-o-rei
Finalista da Gala do Libro Galego | Sábado, 20 Mai 2017 19:30
A publicación das obras de Ibuprofeno Teatro; " A Filla de Woody Allen, Pequenos Actos Pseudorrevolucionarios e O Furancho", editadas por Morgante, é finalista na Gala do Libro Galego que se celebrará o vindeiro sábado día 20 de Maio no Teatro Principal de Santiago de Compostela.
Santiago Cortegoso xa fora finalista na pasada edición destes premios pola publicación de Xeráis da súa obra " RACLETTE".
Toda a información sobre esta gala e os finalistas no link da web que aparece a continuación.
Cuartos de final este venres na sala Margarita Xirgu del Teatro Español | Venres, 12 Mai 2017 22:00
Chega o turno de competición Santiago Cortegoso no I Torneo de Dramaturxía organizado no Teatro Español.
Nesta primeira fase o contrincante de Santiago será Ignacio del Moral.
Toda a información sobre o torneo, participantes, fases, etc... seguindo o link da web do Teatro Español que aparece a continuación
MELLOR DIRECCIÓN DE ESCENA E MELLOR AUTORÍA TEATRAL | Luns, 05 Xuño 2017 21:00
Vimos de saber que o noso espectáculo Raclette é finalista na XX Edición dos Premios Max de Teatro que organiza a Fundación Sgae, con dúas nominacións para Santiago Cortegoso.
A gala dos premios Max terá lugar o vindeiro 5 de xuño no Palau de les Arts de Valencia.
Toda a información sobre os finalistas e os premios na súa web.
Non podemos estar máis contentos
Raclette recibe un novo recoñecemento | Mércores, 29 Marzo 2017 00:00
O pasado mércores 29 de marzo, celebrábase no Teatro Rosalía Castro da Coruña a XXI Gala dos Premios María Casares de Galicia.
O espectáculo chegou aos premios como finalista en cinco categorías, entre elas mellor espectáculo e dirección.
Finalmente Santiago Cortegoso recolleu o premio a Mellor Texto Orixinal.
