Comeza 'Lecturas no CCAI' co obxectivo de divulgar a dramaturxia contemporánea
Lecturas no CCAI é unha iniciativa que xorde do encontro, dentro do marco do programa Cruzamentos 2021 de Camiño Escena Norte, entre as compañías asturianas Saltantes Teatro e Luz de Gas Teatro e a compañía galega Ibuprofeno Teatro.
O proxecto trata de dar a coñecer a dramaturxia contemporánea a través da lectura de textos por parte do público. As lecturas realizaranse na Sala de Conferencias do Centro da Cultura Antiguo Instituto de Xixón o primeiro martes de cada mes co obxectivo de achegar os autores dramáticos actuais á cidadanía.
O programa dará comezo o martes 4 de outubro ás 17:30 horas coa lectura de 'Casa O'Rei' de Santiago Cortegoso.
