Ibuprofeno Teatro participa no Galicia Escena Pro con 'Casa O'Rei'
A cita será o 14 de xuño no Salón Teatro
Ibuprofeno Teatro participa no Galicia Escena Pro, mercado galego das artes escénicas que cada ano organiza a AGADIC en Santiago de Compostela, con 'Casa O'Rei'. Nesta sexta edición poderán verse un total de 17 espectáculos galegos e 10 proxectos en formato pitching.
'Casa O'Rei' pechará esta edición do Galicia Escena Pro o xoves 14 de xuño ás 22:00 horas no Salón Teatro de Santiago de Compostela. A peza, escrita e dirixida por Santiago Cortegoso, propón un xogo escénico e dramatúrxico a partir de 'O Rei Lear' de Shakespeare.
