Smoke on the water recoñecida con dous Premios María Casares

• Josito Porto Premio María Casares ao Mellor Actor Protagonista

• Mon Orencio Premio María Casares ao Mellor Espazo Sonoro

Smoke on the water foi recoñecida con dous Premios María Casares na XXVII edición destes galardóns. O actor Josito Porto recibiu o premio ao Mellor Actor Protagonista polo seu papel de Ritchie nesta traxicomedia musical. E o traballo de Mon Orencio foi recoñecido co premio ao Mellor Espazo Sonoro.

Foron premiados tamén os espectáculos: As que limpan de A Panadaría (4 galardóns), O porco de pé de Producións Teatrais Excéntricas (3 galardóns), Ás oito da tarde, cando morren as nais, do Centro Dramático Galego (2 galardóns), O deus do pop de Diego Anido (2 galardóns), A peste do Centro Dramático Galego (1 galardón), Papagena de Butacazero (1 galardón), A nena que vivía nunha caixa de mistos, de Caramuxo Teatro (mellor espectáculo infantil) e Xela contra o dragón traga-verbas de Títeres Cachirulo (mellor espectáculo de monicreques, obxectos e figuras animadas).

A listaxe completa pode verse AQUÍ