Fitness (2013)
FITNESS é un espectáculo itinerante no que a pallasa Marián Bañobre percorre en bicicleta os espazos públicos facendo deporte en todas as súas variedades, interaccionando e captando a atención dos transeúntes, que se verán trasladados a situacións fóra da dinámica cotiá.
- Categoría: Fóra de cartel, Comedia, Clown, Familiar, Rúa
- Autoría: Santiago Cortegoso, Marián Bañobre
Sinopse
Dende o humor e a sutileza dunha clown muda e con certo aire de misterio, ofrécese un retrato crítico de certos clichés construídos socialmente arredor do universo feminino, relacionados coa obsesión polo aspecto físico, o coidado do corpo e a saúde, detrás dos que hai emocións máis íntimas como a autoafirmación ou a soidade.
Ficha artística
- Interpretación: Marián Bañobre
- Creación: Santiago Cortegoso e Marián Bañobre
- Vestiario e atrezzos: Marián Bañobre
Galería
