Ibuprofeno
Neste 2026 asumimos a produción do VikingDrama da Romería Viquinga de Catoira, unha celebración declarada de interese turístico que se remonta ao 1960 e na que se recrean as invasións normandas do século IX.
Na celebración destaca o VikingDrama, unha dramatización do desembarco viquingo nas Torres do Oeste, no que cada ano participan uns 200 veciños da localidade, e que neste 2026 contamos coa honra de asumir. A Romaría Viquinga celébrase na primeira semana de agosto e a dramatización do desembarco ten lugar na mañá do domingo. Nela empréganse dous drakkar, un é unha réplica do Skuldelev 5 -unha embarcación de guerra de finais do século XI- e o outro mestura elementos baseados no Gokstad con deseños inspirados na nave Oseberg, e recibe o nome de Frederikssund -o pobo danés co que Catoira está irmandado dende 1997-.