Ibuprofeno
A montaxe Deadpan Karaoke poderá verse nos vindeiros días en Granada e Segovia. O mércores 4 de marzo presentarase no Teatro Alhambra de Granada con dobre función, unha para grupos escolares ás 11:00 horas e outra para público xeral ás 20:00 horas. O venres 6 de marzo a montaxe estará no Teatro Juan Bravo de Segovia, con función ás 20:30 horas.
Deadpan Karaoke é un espectáculo unipersoal de carácter participativo que propón como ingredientes principais o absurdo, a estupidez, a sorpresa, a comedia, a música e o cine, e que trata de dar resposta á pregunta: É posible o amor nesta sociedade tardocapitalista na que vivimos? A montaxe recibiu o Premio María Casares ao Mellor Espazo Sonoro (Mónica de Nut) e á Mellor Maquillaxe (Baia Fernández) e forma parte do catálogo de espectáculos recomendados por Camiño Escena Norte.